Полицейлер Атырау облысында базарды шарпыған өртті сөндірді, деп хабарлайды “Адырна” ұлттық порталы ҚР ІІМ ресми интернет-ресурсына сілтеп.
«Патрульшілер Юрий Гоменюк пен Нұрберген Алтынбеков қолда бар құралдарды пайдалана отырып, өртті анықтап, ауыр зардаптардың алдын алды», - делінген сенбі күні хабарламада.
27 сәуір күні сағат 01.00-де Атырау облысының Индер ауданында базар ішінде өрт шықты. Сол түні аудандық ішкі істер бөлімінде инспектор қызметін атқарған бөлім бастығының орынбасары Арман Құбашев аумақты аралап жүріп өртті байқап, жақын маңдағы қызметкерлерді шақырған.
