Тәліптер күйеуіне опасыздық жасаған әйелдерді таспен ұру жазасына кеседі. Бұл туралы The Guardian жазды, деп хабарлайды «Адырна» тілшісі.
«Жақында зина жасағандарға арнайы жаза қолданатын боламыз. Біздің шешіміміз демократиялық принциптеріңізге қайшы келетіндіктен, сіз оны әйелдердің құқықтарын бұзу деп атауыңызға болады. Бірақ мен Алланың өкілімін, ал сіз шайтанның өкілісіз», - деді тәліптердің көшбасшысы мулла Хайбатулла Ахунзада.
Айта кетейік, «Талибан» діни қозғалысы 2021 жылы ел билігіне оралғаннан кейін көп нәрсеге шектеу қойған еді. Қыздарға және әйелдерге мектеп пен университетке, спортзалға баруға тыйым салынды.
2023 жылдың шілдесінде тәліптер көпшілік алдында музыкалық аспаптарды өртеп жіберді. Олар музыканың моральдық құлдырауға апаратынын мәлімдеді.
Ал 2023 жылдың желтоқсанында Қазақстан «Талибанды» тыйым салынған ұйымдар тізімінен алып тастады.
