Осыдан 94 жыл бұрын яғни 1930 жылы 27 наурызда Жетісудың Ақсу аймағы қазақтары Кеңес өкіметінің ұжымдастыру саясатына карсы көтеріліс жасады, деп хабарлайды "Адырна" ұлттық порталы inform.kz сайтына сілтеп.
Ақсу аймағындағы қазақтардың қатары ресми деректерде 1 мың адамға дейін жеткен. Көтерілісті Егеубек Жанбайұлы, Қалдыбай Қылиұлы және Ғали Сатырбайұлы басқарды.
27 наурыз күні көтерілісшілер Ақсу елді мекенін басып алды. Қару-жарағы жеткіліксіз көтерілісшілер өкімет әскерімен қақтығыста ойсырай жеңіліп, Балкаш қаласы маңындағы Жаман Жамал, Күшікжан секілді бұйрат-құм шоғырларын, жыңғылды мекендерді тасалап жүрді. Көтерілісшілердің іздеріне түскен атты әскерлер оларды құм ішінде қырғынға ұшыратты.
