Мемлекет басшысы Қасым-Жомарт Тоқаев жұмыс сапарымен Алматы қаласына келді. Бұл туралы Ақорда мәлімдеді, деп хабарлайды “Адырна” ұлттық порталы.
Президент ертең Наурыз мейрамына орай Алматыда ұйымдастырылатын бірқатар іс-шараға қатысады.
Айта кетсек, бұл президенттің жыл басынан бергі Алматыға екінші сапары. Ол бұған дейін 24-25 қаңтарда, жер сілкінісінен кейін бірден қалаға барды.
Ол кезде мемлекет басшысы бірқатар инфрақұрылымдық және әлеуметтік нысанды аралап, мегаполистің жол-көлік жүйесін дамыту бойынша әкімдіктің жоспарымен танысты. Төтенше жағдайлар министрі Шыңғыс Әрінов Қасым-Жомарт Тоқаевқа ведомствоның жұмысы туралы баяндады.
