Украинадағы соғысқа 2 жыл толарда. Армения ҰҚШҰ-ға мүшелігін тоқтатқанын жариялады

1693
Adyrna.kz Telegram

Армения Ұжымдық қауіпсіздік туралы шарт ұйымына (ҰҚШҰ) қатысуын тоқтатты. Бұл туралы елдің премьер-министрі Никол Пашинян France24 телеарнасына берген сұхбатында мәлімдеді, деп хабарлайды «Адырна» тілшісі.

Айтуынша, Арменияға қатысты ұжымдық қауіпсіздік туралы келісім, әсіресе 2021-2022 жылдары орындалмаған.

«Бұл жағдай назарымыздан тыс қалмады. Біз бұл келісімге қатысуымызды тоқтатып қойдық. Ары қарай не болатынын көрейік»,—деді ол.

«Армениядағы Ресей әскери базасының жабылуы мүмкін бе?» деген сұраққа Пашинян  «Қазір біз бұл туралы айтып отырған жоқпыз» деп жауап берді.

Айта кетейік, Ұжымдық қауіпсіздік шарты ұйымы – төтенше жағдай туындаған кезде серіктес елдердегі жағдайды тұрақтандыру мақсатында ТМД мемлекеттері құрған әскери-саяси одақ. ҰҚШҰ-ға Армениядан бөлек, Қазақстан, Ресей, Беларусь, Қырғызстан және Тәжікстан мүшелік етеді.

Пікірлер