Түркияда жол апатына түсіп, ауыр халде жатқан тағы бір қазақстандық көз жұмды, деп хабарлайды «Адырна» тілшісі КТК-ға сілтеме жасап.
Нұрболат Құрмашов саяхат кезінде отбасымен жол апатына ұшыраған. Атыраулық отбасы мінген сафари көлігі жеңіл көлікпен соқтығысқан еді.
Апаттан атыраулық журналист Арайлым Бағытжан мен оның екі жастағы қызы оқиға орнында көз жұмды. Ал қатты жараланған 34 жастағы жолдасы жансақтау бөлімінде жатқан еді. Кеше, 6 тамызда ер адам есін жимастан қайтыс болды. Олардың 9 жасар ұлы аман қалды.
Атыраулық жас отбасы ұл-қыздарымен Анталья қаласына саяхаттап барған. Марқұмдардың сүйегі бүгін елге жеткізіледі.
