Home » Айдарлар » Саясат » Назарбаев мұрагерін таңдады, бірақ билік транзиті болмайды

Назарбаев мұрагерін таңдады, бірақ билік транзиті болмайды

Саясаттанушы Данияр Әшімбаев еліміздің әлеуметтік және экономикалық саясатын модернизациялау керек деп есептейді

Қазақстандық саясаттанушы Данияр Әшімбаев кеше Астанада өткен “Нұр Отан” партиясының съезіне қатысты пікір білдірді.

Саясаттанушының айтуынша, съездің негізгі күн тәртібі партияның саяси кеңесінің бағдарламасы, кеңестің жарғысы және құрамының жаңаруына қатысты болды. Ал көпшілік съезд кезінде басқарушы партияның ішінде жаңа электоралдық кезең басталады деп күтті, дейді Әшімбаев.

“Үкіметтің отставкасы да, Ұлттық банк басшысының ауысуы осыған ыңғайластырылды. Әдеттегіден ауқымдырақ бағдарлама болады деп күтілді. Сонымен, сайлау мәселесі белгілі бір уақытқа шегерілді. Президент мейлінше лайықты кандидатураны таңдап қойған секілді. Бірақ белгілі бір уақытқа транзит мәселесін жауып қойды”, – деді Әшімбаев Sputnik Қазақстан тілшісіне берген сұхбатында.

Сарапшының пайымдауынша, Нұрсұлтан Назарбаевтың съезде жария еткен әлеуметтік бастамалары соңғы уақыттағы қоғамдағы әлеуметтік шиеленіске жауап болып отыр.

Дегенмен, тек әлеуметтік төлемдердің мөлшерін арттыру жеткіліксіз. Еліміздің әлеуметтік саясатын және экономикалық саясатты модернизациялау мәселесі өзекті. Саясаттанушының айтуынша, үкімет әзірге мұны жасаған жоқ, ал осындай стратегияны әзірлеуді уақыт талап етіп отыр.

 

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Ресейшіл содырлар қателесіп жолаушылар ұшағын атып түсірген

Әуелі ресейшіл сепаратистер “Украинаның ұшағын атып түсірдік” деп мақтана жөнелген. Кейін оның малайзиялық MH17 рейсті ...