24.kg хабарлауынша, Қырғызстан мен Тәжікстанның шекара қызметінің өкілдері Баткен ауданының Дахма аймағында кездескен.
Қос тарап келіссөз барысында Қырғызстан мен Тәжікстан тұрғындары арасындағы жанжалдың егжей-тегжейін зерттеді.
"Төбелес фактісін ІІМ аумақтық органдары зерттеп жатыр. Бұған қоса, аталған учаскеге ІІМ-нің қосымша жасақтары жіберіледі. Тараптар алдағы уақытта шекараның бірлесіп күзетілетін учаскесіндегі жағдайдың ушығуына жол бермеуге уағдаласты", - деп хабарлады Қырғыз Республикасының шекара қызметі.
Орайы келгенде айта кетейік, Оқыс оқиға 3 желтоқсан күні түске таман болды. Екі елдің азаматтары өзара сөзге келіп қалған. Әдемсіз сөздерден кейін екі елдің өкілдері бір-біріне тас атқан. Салдарынан тәжікстандық азаматтың басы жарылып, құлағы жарақаттанып, ауруханаға жеткізілді.
"Адырна" ұлттық порталы
