Жақында қазақ жеріндегі орыс тілді ұйғыр ағайындар өздері үшін ашқан Yоu Tube арналарда ел ішіне жік салатын әрекеттерге бара бастады.
Ортақ түркі тарихын өздеріне бұруды айтпай-ақ, қоялық. Ең бастысы ұйғырдан басқа түркі ұлттарының барлығы пантүркішіл екен-мыс. Сондықтан олар ұйғыр мұрасына жармасып, өтірік тарих жасауда деген концепцияны өз аудиториясының құлағына сіңіріп бағуда.
Ең сорақысы Оспан батырды «Ұйғыр мемлекетін сатып кеткен сатқын» деген дәлелсіз фейкті ел арасына тарата бастады. Бұған дейін осы арна өзбек ағайындарға қатысты «Өзбектер өлген ұйғырларды қалай тонады» деген бейнебаян жариялаған болатын. Енді олар қазаққа ауыз салып отырған жайы бар...
Әбіл-Серік ӘЛІАКБАР,
"Адырна" ұлттық порталы
