Қайрат Сатыбалдыұлын тергеу ісіне қатысты жаңа деректер жарияланды, деп жазады "Адырна" ұлттық порталы.
"Сыбайлас жемқорлыққа қарсы қызмет Қ. Сатыбалдыұлына, Г. Сатыбалды және басқа да тұлғаларға қатысты тергеуді жалғастыруда. Тергеу барысында Қ.Сатыбалдыұлының бақылауындағы кәсіпорындардың – кірме теміржол желілері (соңғы шақырым) иелерінің ұрлығының қосымша фактілері анықталды. Аталған тұлғалар Мемлекеттік органдардың лауазымды тұлғаларының көмегімен елдің қала құраушы кәсіпорындарына кірме жолдардың қызметтеріне тарифті негізсіз көтеру арқылы көп миллиардтық пайда тапқан. Бұл өз кезегінде азаматтар үшін тіршілікті қамтамасыз ету қызметтерінің бағаларының артуына бағытталған", - делінген хабарламада.
Ведомство мәліметінше, Қ.Сатыбалдыұлы бақылауындағы екі компанияның басшылары ұсталып, сот санкциясымен қамауға алынды. Кінәлілік туралы қорытынды шешімді сот анықтайды. Өзге ақпарат тергеу мүддесіне сәйкес жария етуге жатпайды.
"Адырна" ұлттық порталы
