Ресей соты «Солтүстік Қазақстанға» акциясынан кейін белсенділерді қамауға алды

4177

Мәскеудің Замоскворецкий соты Мәскеу метросындағы акциядан кейін тіркелмеген «Другая Россия Э.В.Лимонова» партиясының он белсендісін қамауға алды, деп хабарлайды «Адырна» тілшісі «ОВД-Инфо»- ға сілтеме жасап.

Белсенділер 10-нан 15 тәулікке дейін қамауға алынды. Хаттамалар полицияға бағынбау туралы бап бойынша жасалды.

8 қаңтарда «Алма-Атинская» метро станциясында бірнеше белсенді пойыздардың бірінің вагонына «Солтүстік Қазақстанға»  баннерін тіркеген. Осылайша, олар «Ресей билігі тарапынан Қазақстанның орыстілді халқын қорғау бойынша батыл іс-қимыл жасау қажеттілігіне» назар аудартуға тырысқан.

Айта кетейік, 10 қаңтарда полиция ұйымның штаб-пәтеріне тінту жүргізді. Нәтижесінде қауіпсіздік қызметкерлері кеңседе болған 14 адамды ұстады.

«Адырна» ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket