Түркия президенті Режеп Тайып Ердоған елдің халықаралық брендін Turkey - ден Türkiye-ге өзгерту туралы Жарлыққа қол қойды, деп хабарлайды "Адырна" ұлттық порталы Anadolu басылымына сілтеме жасап.
Жарлық мәтінінде елдің брендін өзгерту туралы шешім бай мәдениет пен мұраны көрсететіні және түрік өндірушісінің сапалы өнімдердің сенімді жеткізушісі ретіндегі ізгі ниетін растауға арналғаны атап өтілген.
Сондай-ақ, елдің барлық ресми құжаттарында, соның ішінде шет мемлекеттермен және ұйымдармен кез-келген хат-хабарларда Turkey, Turkei, Turquie сөздерінің орнына бірыңғай Türkiye термині қолданылмақшы.
"Адырна" ұлттық порталы
