Ақ Үй әкімшілігі Украинаға қару жеткізу жөніндегі құжатқа қол қойды. Ресейдің 115 мыңға жуық әскери күштерінің Украина шекарасы маңына топтасуына байланысты Ақ үй қазір Украинаға әскери кеңесшілері мен қаруларын жіберіп жатыр.
CNN ақпараттық агенттігінің хабарлауынша, Ақ Үй Украинаға танкілерге қарсы зымырандар мен Джевелиндерді, минометтерді жіберген. Ақпарат көздерінің айтуынша, Украинаға жіберілген қарудың қазіргі құны 60 миллион долларды құрайды. Қарулардың ішінде "Стингер" атты зенитті зымырандар кешені де бар. Жуық арада Пентагон МИ-17 бомбалаушы тікұшақтарын аттандырмақшы. Байденнің бұл шешіміне кейбір өкілдер палатасының белді тұлғалары мазасызданып отыр.
Ресей мен Украина текетіресі қарсаңында АҚШ пен Еуроодақ елдері Ресейге қарсы жаңа санкциялар пакеттерін дайындауды қолға алды.
Ресей мен Украина арасындағы жағдай тағы да күрт өзгеріп жатыр.
Бұл геосаяси текетірес қалай аяқталатыны әзірге белгісіз.
Бекболат ҚАРЖАН,
"Адырна" ұлттық порталы
