Өлген саясаткер Үндістанның Бихар штатындағы ауылда өткен жергілікті сайлауда жеңіске жетті, жергілікті тұрғындар оның соңғы тілегін орындау үшін марқұмға дауыс беруге шешім қабылдады, деп хабарлайды "Адырна" ұлттық порталы жергілікті NDTV телеарнасына сілтеме жасап.
Телеарнаның хабарлауынша, 24 қарашада өткен сайлау қорытындысы шығарылған күні жеңімпаздардың бірін еш жерден таба алмаған, кейінірек оның 6 қарашада қайтыс болғаны белгілі болған.
Марқұм Сохан Мурмудың отбасы сайлаудағы жеңіс оның соңғы тілегі екенін, ауыл тұрғындары марқұмның соңғы тілегін құрметтеу үшін оған дауыс бергенін айтты. Жергілікті билік өкілі жаңа сайлау өткізу керектігін мәлімдеді.
"Адырна" ұлттық порталы
