АҚШ президенті Дональд Трамп шетел фильмдеріне 100% баж салығын енгізуді тапсырды. Бұл туралы ол өзінің Truth Social әлеуметтік желісіндегі парақшасында жазды, деп хабарлайды «Адырна» тілшісі.
Айтуынша, отандық киноөндіріс күннен-күнге құлдырап барады.
«Көптеген ел америкалық киноөндірушілерді өзіне тартып жатыр. Сондықтан мен АҚШ-тың Сауда министрлігіне шетелде шығарылған кез келген фильмге 100 пайыздық баж салығын енгізу процесін дереу бастауға бұйрық бердім. Біз Америкада түсірілген фильмдерді көргіміз келеді»,—деді президент.
Өз кезегінде Сауда министрі Говард Лютник бұл істі қолға алғанын жеткізді.
Еске салайық, бұған дейін Лос-Анджелесте кино саласының мамандары митингіге шыққан болатын.
