Украина әскерилері Еуропадағы Жеңіс күніне арналған 80 жылдық әскери парадқа қатысады, деп хабарлайды "Адырна" ұлттық порталы DW-ге сілтеме жасап.
Украина Қарулы Күштерінің өкілдері 8 мамырда Ұлыбритания астанасы Лондонда өтетін Еуропадағы Жеңістің 80 жылдығына арналған әскери парадқа қатысады.
«Украина Қарулы Күштері Еуропадағы Жеңістің 80 жылдығына арналған салтанатты шеруге қосылады. Олардың қатысуы бізге Украинаның қазір еркіндік үшін күрестің алдыңғы шебінде тұрғанын еске салады», – деп жазды Ұлыбритания қорғаныс министрлігі 3 мамырда әлеуметтік желіде.
Іс-шараға Ұлыбританиядан шамамен 1000 әскери қызметкер қатысады. корольдік әскери-теңіз флоты, корольдік теңіз жаяу әскері, британ армиясы және корольдік әскери-әуе күштері.
Бұл Украинаға бүкіл әлемнің қолдауын білдіреді және Ресейдің арандатусыз, заңсыз басқыншылығына қарсы күрестің жалғасып жатқанын көрсетеді, деп атап өтті Ұлыбритания қорғаныс министрлігі.
Парадқа Interflex операциясына қатысқан украиналық әскери қызметшілер қатысады. Бұл Ұлыбританияда украин әскерін даярлау бағдарламасы. Аталған бағдарлама аясында Лондон мен оның одақтастары РФ тарапынан басталған кең ауқымды соғыс басталғалы бері Украинадан 54 мыңнан астам әскери қызметкерді оқытты.
Лондонда өтетін салтанатты шеруге Украина тарапынан қанша адам қатысатыны нақтыланбаған.
Еуропадағы Жеңіс күні жыл сайын 8 мамырда атап өтіледі – бұл одақтастардың Германияның 1945 жылы капитуляциясын ресми түрде қабылдаған күні. Ал Ресей, Беларусь және бұрынғы КСРО-ның кей елдері бұл күнді 9 мамырда атап өтеді.
