Таңғажайып Тамила

564

­Қырғыздың жап-жас әйгілі мүсінші қызы. Сәт сайын айналасын таң қалдырып келеді. Қолы тиген мүсіндерінде мін жоқ. Санкт-Петербургтегі оқуын бітірер кезде диплом жұмысы ретінде Алатаудай Айтматовты кескіндеді. Онысы ғажап енді. Бүкіл қазақ Ұлы ақынымызды ұлықтап жатқан тұста ол өнер өріне өз Абайын алып шықты. Абай болғанда қандай!

Мүсінші қыздың өнерден өзге ешнәрседе шаруасы жоқ. Үндемей жұмыс істегенді ғана біледі. Тек ара-тұра осындай бітірген дүниелерін желіге жүктеп қояды. Тамиланың тірлігін содан білеміз.
Міне, "Қырғыз қызы" деп аталатын тағы бір мүсінін аяқтапты. Қарашы енді... Мысқалдай мін бар ма?! Соған қарағанда саз балшықты шертіп жіберсе шедевр шығаратын Тамила Маматова мүсін атаулыны қолымен емес, жүрегімен жасайды-ау деймін...

Аман жүріңіз, қырғыздың титімдей ғана талантты қызы!

Бауыржан ОМАРҰЛЫ

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket