25-26 қарашада Президент Қасым-Жомарт Тоқаев Бельгияға ресми сапармен барады. Бұл туралы Мемлекет басшысының баспасөз хатшысы Берік Уәли Facebook-парақшасында мәлімдеді, деп хабарлайды "Адырна" ұлттық порталы.
"Мемлекет басшысы Брюссельде Бельгияның және Еуропалық Одақтың басшылығымен келіссөздер жүргізеді, сондай-ақ еуропалық ірі компаниялардың жетекшілерімен бірқатар кездесу өткізеді деп жоспарланған", - деп жазды Берік Уәли.
Айта кету керек, биыл тамыз айында Қазақстан Президенті Нұр-Сұлтанда Еуропалық Одақтың Орталық Азия бойынша арнайы өкілі Тери Хакаланы қабылдады. Ол Қасым-Жомарт Тоқаевқа Еуропалық Кеңес төрағасы Шарль Мишельдің Қазақстан басшысын жыл соңына дейін Брюссельге іссапармен келуге шақыруын растаған жолдауын жеткізді.
"Адырна" ұлттық порталы.
