Шымкентте мембағдарламалар арқылы жасалған қылмыстар анықталды

60

Шымкентте мемлекеттік бағдарламалар арқылы жасалған 14 сыбайлас жемқорлық қылмысы ашылды. Бұл туралы Шымкент қаласы бойынша сыбайлас жемқорлыққа қарсы қызмет департаментінің басшысы Асхат Жұмағали мәлімдеді, деп хабарлайды ҚазАқпарат тілшісі.

«Төтенше жағдай режимі кезінде кәсіпкерлерден жүйелі түрде пара алып, олардың базардағы азық-түліктерді еш кедергісіз сатуына мүмкіндік бергені үшін мемлекеттік инспектор Арапов алты жылға бас бостандығынан айырылды», - дейді Шымкент қаласы бойынша сыбайлас жемқорлыққа қарсы қызмет департаментінің басшысы Асхат Жұмағали «Antikor.live» онлайн бағдарламасы барысында. Сонымен қатар, ол мемлекеттік бағдарламалар арқылы жасалған 14 сыбайлас жемқорлық қылмысы анықталғанын айтты. «Цифрлық Қазақстан», «Денсаулық», «Нұрлы жол» сияқты мемлекеттік бағдарламалар бойынша 1 миллиард 800 миллион теңгеге жуық шығынның орнын толтырдық. Біз өз жұмысымызды әрі қарай жалғастыра береміз, - дейді ол.

 

Пікірлер
Редакция таңдауы