Қазақстан Ауғанстандағы жағдайдың даму барысын мұқият қадағалап отыр. Бұл туралы Сырты істер министрлігінің баспасөз қызметі жазды, деп хабарлайды «Адырна» тілшісі.
«Аталған елдің тарихында тағы бір шешуші сәт келе жатыр. Көпжылдық жанжалды ауған халқы өздері шешуі керек. Қазақстан барлық тараптарды ішкі тұрақтандырудың басты алғышарты ретінде биліктің бейбіт транзитін қамтамасыз етуге шақырады. Біз БҰҰ Қауіпсіздік Кеңесінің инклюзивті және өкілдік үкімет құру, ұлттық азшылықтар мен әйелдердің құқықтарын құрметтеу, басқа мемлекеттерге қауіп төндіретін топтардың болуына жол бермеу, халықаралық құқықты сақтау туралы мәлімдемесін қолдаймыз»,– деді ведомство.
«Адырна» ұлттық порталы
