پاكىستان ۇندىستانمەن شيەلەنىس كۇشەيگەن تۇستا بالليستيكالىق زىمىراندى سىناقتان وتكىزدى، دەپ حابارلايدى "ادىرنا" ۇلتتىق پورتالى Euronews اگەنتتىگىنە سىلتەمە جاساپ.
پاكىستان اسكەري كۇشتەرىنىڭ حابارلاۋىنشا، «جەر-جەر» كلاستى زىمىراننىڭ ۇشۋ قاشىقتىعى 450 شاقىرىمدى قۇراعان.
اسكەريلەردىڭ مالىمدەۋىنشە، «ابدالي» بالليستيكالىق زىمىرانىنىڭ ۇشىرىلۋى اسكەردىڭ جەدەل دايىندىق دەڭگەيىن ارتتىرۋعا جانە زىمىراننىڭ جەتىلدىرىلگەن ناۆيگاتسيالىق جۇيەسى مەن مانەۆرلىك مۇمكىندىگىن تەكسەرۋگە باعىتتالعان.
پاكىستان پرەزيدەنتى مەن ەلدىڭ پرەمەر-ءمينيسترى سىناقتىڭ ءساتتى وتكەنىن مالىمدەپ، وسى ىسكە قاتىسى بار بارلىق ادامداردى قۇتتىقتادى.
اقپارات ءمينيسترى اتتاۋللا تارار بىرنەشە كۇن بۇرىن پاكىستاندا ءۇندىستان تاراپىنان شابۋىل جاسالۋى مۇمكىن ەكەندىگىن دالەلدەيتىن ناقتى بارلاۋ مالىمەتتەرى بار ەكەنىن مالىمدەگەن.
تاراردىڭ ايتۋىنشا، ەگەر يادرولىق قارۋى بار كورشى مەملەكەت شابۋىل جاسايتىن بولسا، پاكىستان قاتاڭ تۇردە جاۋاپ بەرەدى.
جۇما كۇنى پاكىستان پارسى شىعاناعىنداعى وداقتاستارىنان 22 ساۋىردە ءۇندىستاننىڭ كاشمير ايماعىندا بولعان شابۋىلدان كەيىن تۋىنداعان ۇندىستانمەن اراداعى شيەلەنىستى ازايتۋعا كومەكتەسۋىن سۇرادى.
ءۇندىستان شابۋىلدى ۇيىمداستىردى دەپ پاكىستاندى ايىپتادى، الايدا يسلاماباد بۇل مالىمدەمەنى جوققا شىعاردى.
ايتا كەتەيىك، داۋلى كاشمير ايماعى ءۇندىستان مەن پاكىستان اراسىندا بەيرەسمي تۇردە بولىنگەنىمەن، ەكى ەل دە ونى تولىعىمەن ءوز جەرى دەپ ەسەپتەيدى.
