ҚАЙРАН АТАТҮРІК!
Сол кездегі әлемдегі нөмірі бірінші мемлекет басшысы саналған Үлкен Британия корольі Эдуард ресми сапармен Ататүріктің аяғына келеді. Ататүрік 15 жылдық билігі тұсында шетелге шықпаған адам, патшалар мен президенттер оның аяғына келуші еді...
Британия патшасының құрметіне Стамбулда ресми қонағасы беріледі, әлем елдерінің жоғары дәрежелі уәкілдері, үкімет мүшелері мен дипломаттар қатысқан банкетте бір қызметші жас жігіт көтеріп бара жатқан ыдыстарын құлатып, шағып алады. Залда үнсіздік, түрік жағы ұялып құрметті қонақ алдында масқара болдық деп отырғанда, Ататүріктің дауысы естіледі:
- Айып етпеңіз құрметті король, ұлтыма бәрін үйреттім, тек даяшылыққа көндігер емес екен!
Міне, ұлтын қорғаған, халқын ұлықтаған тұлға Ататүрік! «Түрікпін дегеннен асқан бақыт жоқ!», «Халқымыздың ең құрметті уәкілдері ауыл тұрғындары-дүр!» деген Ататүрік! Халқын ешқашан да жамандамаған, үңгірші лас сасық түріктер тағы басқа сөздерді ауызға алмаған, әрқашан да түрік ұлтын мақтап, ынталандырушы керемет жақсы сөздер айтқан Ататүрікті неге үлгі тұтпайды біздің мәнсапкерлер, а?!
Қолдарынан келсе әр орайды пайдаланып, өз халқын шетелдіктер алдында кемсітіп, қорлап үйренген дөкейлердің аузын жабатын мысты да сұсты бір тұлғамыздың қалмағаны қынжылтады...
"Адырна" ұлттық порталы
