Үндістанның солтүстігіндегі Химачал-Прадеш штатында тас көшкіні орын алып, өзен үстіндегі көпірді бұзып кеттті, деп хабарлайды "Адырна" ұлттық порталы Reuters-ке сілтеме жасап.
Үлкен тастар микроавтобусты қиратып кетті, кем дегенде тоғыз адам қаза тапты. Агенттіктің хабарлауынша, құрбан болғандар Үндістанның басқа аймақтарынан келген туристер және бірнеше адам жарақат алған. Зардап шеккендерді тасымалдау үшін оқиға орнына тікұшақ келді.
Куәгерлер түсірген кадрлардан тастардың төбеден жоғары жылдамдықпен қалай ұшып бара жатқанын көруге болады.
#WATCH | Himachal Pradesh: Boulders roll downhill due to landslide in Kinnaur district resulting in bridge collapse; vehicles damaged pic.twitter.com/AfBvRgSxn0
— ANI (@ANI) July 25, 2021
Премьер-министр Нарендра Моди қаза тапқандардың отбасыларына көңіл айтты.
Үндістанның кейбір бөліктері қатты жауын-шашынның салдарынан көшкіндер мен су тасқынынан зардап шекті, өйткені елде жыл сайын маусымнан қыркүйекке дейін жаңбыр жауады. Атап айтқанда, шілде айында қатты жаңбырдың салдарынан болған көшкін салдарынан Үндістанның батысындағы Махараштра штатында 136 адам қайтыс болды.
Видеоны мына сілтеме арқылы көре аласыз: https://twitter.com/i/status/1419248935579766785
"Адырна" ұлттық порталы
