Қазақстан Президенті Қасым-Жомарт Тоқаев QazVac вакцинасын Дүниежүзілік денсаулық сақтау ұйымында тіркеуді тездетуді тапсырды, деп хабарлайды "Адырна".
"Келесі сұрақ осы саладағы жетекші өндірушілердің вакциналар желісін кеңейту қажеттілігімен байланысты. Отандық фармацевтикалық алаңдарда жаңа ресейлік "Спуник Лайт" вакцинасын жеткізу және босату мәселесін пысықтау керек", деді Мемлекет басшысы коронавирус инфекциясы бойынша эпидемиологиялық ахуалға арналған кеңесте.
Президент: Біздің ең өзекті мақсатымыз – вирустың таралуын тоқтату емес. Әлемдік тәжірибе мұның мүмкін емес екенін көрсетіп отыр. Ең бастысы – аса ауыр науқастардың көбеюін болдырмау, адам өмірін сақтау. Сондықтан, оның бір ғана жолы бар. Бұл – жаппай вакцинация, екпе салу.
— Ақорда Баспасөз қызметі (@AkordaPress) July 19, 2021
Қыркүйек айында жоспарланған отандық вакцина QazVac-тың өнеркәсіптік шығарылымын ескере отырып, оны Дүниежүзілік денсаулық сақтау ұйымында тіркеуді жеделдету қажет. Бұл Денсаулық сақтау министрлігі мен Сыртқы істер министрлігінің жұмысы.
Қасым-Жомарт Тоқаев
Президент: Былтырғы жазда болған жағдайдың қайталануына жол беруге болмайды. Денсаулық сақтау жүйесінің бір қалыпты жұмыс істеуін қамтамасыз ету қажет. Өкінішке қарай, осы мәселеде олқылықтар бар.
— Ақорда Баспасөз қызметі (@AkordaPress) July 19, 2021
Екіжақты келісімдер шеңберінде QazVac-ты үшінші елдердің нарықтарына жылжыту бойынша жұмысты ұйымдастыру маңызды. Үкіметтен бір ай ішінде бұл мәселені ерекше бақылауға алып, нәтижелері туралы есеп беруін сұраймын.
Қасым-Жомарт Тоқаев
