Ақтөбе облысында дамудың оң қарқыны сақталуда

854

Ақтөбе облысында 6 ай ішінде 955 млрд теңгенің өнімі өндіріліп, өңір экономикасына 276 млрд теңге инвестиция тартылған деп хабарлайды "Адырна" ұлттық порталының тілшісі.

Биыл жыл басынан бері облыста ауыл шаруашылығы өнімінің көлемі 101,8 млрд теңгені құраған. Бұл өткен жылдың қаңтар-маусым айларымен салыстырғанда 2,3%-ға артық. Сондай-ақ биыл алты ай ішінде өңір бойынша жалпы алаңы 367 мың шаршы метр тұрғын үй пайдалануға берілген.

Облыс әкімі Оңдасын Оразалин жиын өткізіп, ауыл шаруашылығы тауарын өндірушілерге жемшөп дайындауға субсидия төлеуді барынша жеделдетуді және қазірден бастап оларға осы төлем түріне құжаттар рәсімдеуге көмектесуді тапсырды.

Биылғы жылы барлығы 2,7 млн тонна қысқы жемшөп жинау жоспарлануда. Бұл қор 1,5 жылға жетеді. Шілденің басындағы жағдай бойынша жоспар 30%-ға орындалған.

Айта кету керек, биыл жем-шөп бағасын арзандату үшін ақтөбелік шаруаларға 6,5 млрд теңге субсидия бөлінетін болды. 

"Адырна" ұлттық порталы.

Пікірлер
Редакция таңдауы