Өзбекстан Ұжымдық қауіпсіздік туралы шарт ұйымына (ҰҚШҰ) қайта оралу мәселесін қарастырып жатқан жоқ және осы ұйым мүшелерінен шақырту алған жоқ, деп дүйсенбіде ел президентінің баспасөз хатшысы, оның әкімшілігі басшысының орынбасары Шерзод Асадов мәлімдеді, деп "Адырна" порталы РИА Новостиге сілтеме жасап хабарлайды.
«Бізге ҰҚШҰ-ға мүше болу туралы ұсыныстар түскен жоқ. Оның үстіне біздің заң әскери базалар құруға және ондай ұйымдарға кіруге тыйым салады», - деді Асадов брифинг барысында.
Бұған дейін Тәжікстан ҰҚШҰ одақтастарынан көмек сұраған, өйткені бұл елдің Ауғанстаннан келетін қиындықтарды жалғыз өзі жеңуі қиын болады. Душанбенің пікірінше, қазіргі жағдайлар «ҰҚШҰ аясында тиісті реакцияны, оның ішінде оңтүстік шекараларды қорғау әлеуетін күшейту жөніндегі шараларды қабылдауды» талап етеді.
Ұжымдық қауіпсіздік туралы шарт ұйымы (ҰҚШҰ) аймақтық халықаралық ұйым болып табылады, оның мақсаты - «бейбітшілікті, халықаралық және аймақтық қауіпсіздік пен тұрақтылықты нығайту, ұжымдық негізде мүше мемлекеттердің тәуелсіздігін, аумақтық тұтастығы мен егемендігін, басымдылығын қорғау» оған қол жеткізуде мүше мемлекеттер оны саяси құралдарға береді. Қазіргі уақытта ұйымның мүшелері Ресей, Армения, Беларуссия, Қазақстан, Қырғызстан, Тәжікстан болып табылады.
"Адырна" ұлттық порталы
