АҚШ барлау агенттіктері америкалық әскери-теңіз күштерінің ұшқыштары байқаған атмосфералық құбылыстардың бөтен ғарыш кемелерімен байланысы бар екенін дәлелдей алмады, деп хабарлайды «Адырна» ұлттық порталы Tengrinews.kz сайтына сілтеме жасап.
The New York Times басылымының деректеріне сәйкес, арнайы қызметтердің материалдарында соңғы 20 жылда болған 120-ға жуық оқиға қаралған. Бұл құбылыстардың АҚШ армиясының технологиясына қатысы жоқ екені атап өтілді. Бұл - ұшқыштардың Үкіметтің құпия бағдарламаларына қатысы бар ұшақтарды көрді деген мәліметті жоққа шығарады.
«Үкімет зерттеліп жатқан құбылыстар бөтен кеме болуы мүмкін деген теорияны толығымен жоққа шығармауы керек», - делінген әкімшіліктің жоғары лауазымды тұлғаларының хабарламасында.
"Адырна" ұлттық порталы
