Қытайдың орбитаны айналып, 2 300 000 000 шақырым қашықтық жол жүріп, Марсқа қонған «Чжужун» аппараты бүгін алғашқы түсірілімін жасап, жерге хабар жіберді. ВВС-тің хабарлауынша ровер аппараты таңғы Пекин уақытымен түсірілім жасап үлгерген.
Қытай АҚШ-тан кейінгі Марсқа аппарат жіберіп, хабар таратқан екінші ғарыш державасы деген атты иемденіп отыр. Алдағы уақытта Қытай Марсты зерттеу жұмыстарын жалғастыра бермек.
Қытайлық ғарыш мамандарының айтуынша, Марстағы аппарат планетаның солтүстік жартышарында 90 күн бойы жұмыс жасайды. Қазір аппараттың батареялары да, энергия қуаты да жеткілікті мөлшерде, қалыпты жұмыс істеп тұр.
Бекболат ҚАРЖАН,
"Адырна" ұлттық порталы
