Назарбаевтың қызы экодүкен мен экобаспахана ашты

834

Елбасы Нұрсұлтан Назарбаевтың қызы Әлия Назарбаева экодүкен мен экобаспахана ашты. Бұл туралы Назарбаеваның өзі Instagram-дағы парақшасында жазды деп хабарлайды «Адырна» ұлттық порталы Baq.kz сайтына сілтеме жасап.

Оның жазуынша, экодүкен мен баспахана кеңсе тауарларын өндірумен және сатумен айналысады.

Кеңсе таураларын саудалауға араналған экодүкен мен экобаспахана ашу идеясы кездейсоқ келген жоқ. Мен бұған дейін 2022 жылы біздің команда Қазақстанда алғашқы экологиялық мектепті ашады деп жазған едім. Сонымен, біздің мектепте біз өзімізден бастаймыз! Бәрін! Бұл дегеніміз, асханада экологиялық таза өнімдер болуы керек (сондықтан біз жылыжайымызды ашамыз), сыныптарда өңделген шикізаттан жасалған кеңсе тауарлары қолданылуы керек, ал үлестірме материалдар мен авторлық құралдар эко-қағазға басып шығарылады, - деп жазды Назарбаева.

Бұған қоса, ол өз жазбасында жаңадан ашқан экодүкенінің саудасы жақсы жүріп жатқанын да атап өтті.

Жобамызды аша салысымен-ақ жасыл бизнесті қолдайтын кәсіпорындардан, балаларына қажетті және пайдалы ғана емес, сонымен қатар тәрбиелік сыйлықтар бергісі келетін саналы ата-аналардан жаңа жылдық сыйлықтарға тапсырыс алғанымыз мені қуантты. Сондықтан біз дұрыс бағытта қозғаламыз. Біз өз кезегімізде Қазақстанның барлық экоөндірушілеріне алаң бердік. Қазірдің өзінде біздің сайтта 30-дан астам отандық өндірушілер ұсынылған, - деді Назарбаева.

Естеріңізге сала кетейік, жақында Әлия Назарбаева экологиялық мектептің құрылысы басталғанын атап өткен болатын.

 

Пікірлер
Редакция таңдауы