«Indrive» компаниясының «Supernovas» жобасы негізінде Ұлытау облысы, Ұлытау ауданында құрылған балалар футбол командасы Ақмола облысы, Зеренді ауданында өткен республикалық додадан жүлделі орындармен оралды деп хабарлайды Adyrna.kz тілшісі.
«Supernovas» - шалғай ауылдардағы балаларға арналған футболдың коммерциялық емес жобасы. 6-12 жас аралығындағы балалар мен жасөспірімдерге арналған тегін секциялар Ұлытау ауданында өткен жылдан бері тұрақты түрде жұмыс істеп келеді. Аталған жобаның алғашқы қатысушылары Зерендіде өткен доп додасына жоғары көрсеткіштер көрсете білді.
Бүгінгі таңда ауқымды бағдарламаның республика бойынша 300 ге жуық, ал ауданда 40 тан астам қатысушысы бар.
2012-2013 және 2014-2015 жылдары дүниеге келген балалардан жасақталған Ұлытау командасы футбол маусымын үлкен жеңіспен бастады.
