Алматылық азамат БЖЗҚ есепшотынан ақша жоғалғанын байқаған

2208

Алматылық азамат «Бірыңғай жинақтаушы зейнетақы қоры» АҚ-да (БЖЗҚ) есепшотты бес күнде екі рет тексеріп, оның төмендегенін анықтады, деп хабарлайды "Адырна" ҚазТАГке сілтеме жасап.

«Мен зейнетақы қорынан ақша жоғалып жатқанын бірінші рет естіп тұрған жоқпын. Мен өз есепшотымды бес күн бұрын қарадым, ал кеше тағы тексерсем бес күнде 6 мың теңгем жоқ», - дейді А.Л. есімді алматылық.

Ол өз сөздеріне дәлел ретінде БЖЗҚ үзінділерінің көшірмелерін берді.

«Егер адамдар осындай қысқа мерзім ішінде өзгерістерді байқаса, бұл инвестициялық кірістерге қатысты болады. Зейнетақы активтерін Ұлттық Банк инвестициялайды, олар күнделікті инвестициялық кіріс алады, бұл зейнетақы активтері орналасқан қаржы құралдарының жағдайына байланысты. Қазір қаржы ауыспалы, құбылмалылық кезеңінде, оның ішінде ұлттық валюта мен долларды ескере отырып, инвестициялық кірістің өзгеруі мүмкін », - деп БЖЗҚ басшысы Марина Акмаева ҚазТАГ-қа түсіндірді.

Ол инвесторларға «ұзақ мерзімді қарастыруға» кеңес берді.

«Зейнетақы ақшасы бір емес, екі күн емес, тіпті бір айға да салынбайды, олар ұзақ уақытқа салынады. (...) Инвестор қазір көріп отырған инвестициялық кірістің өзгерісі қаржы нарықтарының жай-күйіне, валюта бағамына, құралдарды нарықтық қайта бағалауға байланысты, бірақ ұзақ уақыт бойына кірістілік оң болып қала береді », - деп сендірді Акмаева.

Пікірлер
Редакция таңдауы