7 ақпан күнгі Қордайда болған қақтығыстан қазақ жігіті Дархан Әбдірахымның қайтыс болғаны жайлы әлеуметтік желілерде ғана айтылып жатыр.
Ал тиісті органдар әлі ресми ақпарат бермей отыр.
Дарханның әкесі бүгін БАҚ өкілдеріне сұхбат берді:
«Жалғыз ұлымнан айрылып отырмын. Менің естігенім "мылтықпен атыпты" деп отыр. Сараптамадан әлі алған жоқпын. Ал маған "оқпен атылған" деп айтып келгендер бар. Мешіттің имамы "оқ тимеген темірмен, арматурамен ұрған" деп отыр. Оның анығын әлі білмеймін. Бірақ көрген адамдар мылтықпен атқанын айтып отыр. Артында үш немерем мен келінім қалды»,-дейді Дарханның әкесі Асқарбай мырза.
Сондай-ақ Дарханның әкесі көмектесіп жатқан мұсылман бауырларға рахметін айтуды да ұмытпады.
Қара жамылған отбасына көмектесемін деушілерге Дарханның қарындасы Аруханның Каспий голды:
Абдрахым Арухан:
5169 4971 9100 2913
"Адырна" ұлттық порталы
