Жамбыл облысы Қордай ауданы Масанчи ауылында болған жаппай төбелес пен өрт қою салдарынан 30 үй мен 23 көлік қирап қалған, - деп хабарлайды Tengrinews.kz тілшісі. Бұл туралы ішкі істер министрі Ерлан Тұрғымбаев ОКҚ-дағы брифингте мәлімдеді.
"Бұзақылық әрекеттердің, оның ішінде от қоюдың салдарынан алдын ала мәлімет бойынша 30 жекеменшік үй, 15 сауда нысаны және 23 көлік қиратылған. Қазіргі уақытта оқиға орнын қарау шарасы жүріп жатыр, әрі қарай жаңа мәліметтер таратамыз", - деді министр.
Еске салайық, бұған дейін 7 ақпанда Жамбыл облысы Қордай ауданы Сартөбе және Масанчи ауылдарында полицейлерге шабуыл жасалып, жаппай төбелес шыққаны мәлім болған.
Бұған дейін министр 8 адамның қаза тапқанын мәлімдеді
Тоқаев Қордай ауданындағы жағдайға қатысты пікір білдірді. Ол оқиғаны арандатушылар өз пайдасына қолданбақ болғанын мәлімдеген. Кейін Президент Жамбыл облысындағы оқиғаларға байланысты мәлімдеме жасап, қаза тапқандар мен зардап шеккендер жайлы мәлімде жасады.
