Нью-Йорктің әйгілі Таймс-сквер алаңында Қазақстанның халық әртісі Димаш Құдайбергеннің Love’s not over yet әніне түсірілген жаңа бейнебаяны көрсетілді, деп хабарлайды "Адырна" ұлттық порталы.
Dimashnews.com сайтының мәліметінше, бұл ерекше шараны АҚШ-тағы US Dears жанкүйерлер тобы ұйымдастырған. Бейнебаян төрт экранда қатарынан, соның ішінде қос экранды платформада да көрсетілді. Бұл орын Таймс-сквердің ортасында, метро станциясының жанында орналасқандықтан, мыңдаған адам бейнебаянды тамашалады.
Экранда көрсетілім басталмас бұрын жанкүйерлер жалға алынған арнайы залда жаңа бейнебаянның тұсаукесерін тамашалады.
7 наурызда өткен тұсаукесер көпшілік арасында үлкен қызығушылық тудырды.
Love’s not over yet (Махаббат әлі аяқталған жоқ) әнін Димаш Грэмми сыйлығының екі дүркін иегері Уолтер Афанасьевпен бірге жазған.
Уолтер Афанасьев - АҚШ композиторы, продюсер.
