Италияның Турин қаласында өтіп жатқан Қысқы универсиадада Қазақстанның спортшысы Анастасия Городко жұптық фристайл-могул сайысында жеңіске жетіп, ел қоржынына екінші алтын медальді сыйлады, деп хабарлайды "Адырна" ұлттық порталы.
Бұл жарыста ел намысын Анастасия Городко мен Аяулым Әмренова қорғады. Нәтижесінде Анастасия үздік шығып, чемпиондық атаққа қол жеткізді. Ал Аяулым Әмренова күміс жүлдегер атанды.
Еске сала кетсек, 14 қаңтарда Анастасия Городко фристайл-могулдан алғашқы алтын медальді жеңіп алған болатын.
