Туризм және спорт министрі Ербол Мырзабосынов спортшылардың діншілдігіне байланысты сұраққа жауап берді, деп хабарлайды “Адырна” ұлттық порталы.
Үкіметте өткен баспасөз мәслихатында журналистер министрге «Әлем чемпионаты мен Олимпида ойындарында спортшылар жеңіске жетсе немесе жеңіліп қалса «Алланың қалауымен жеңдім» немесе «Аланың қалауымен жеңілдім» деп айтып жатады. Спортшылардың діншілдігіне байланысты әлеуметтік желіде теріс пікірлер жазылады. Сіздің спортшылардың діншілдігіне байланысты көзқарасың қалай?» деген сұрақ қойылды.
«Дін мәселесі бойынша арнайы жол картасы әзірленген. Соның аясында жұмыс атқарып жатырмыз. Бүгінгі таңда арнайы ұйымдардан мамандар тартып, спортшылармен жүйелі жұмыс істеп жатырмыз. Әр федерация жүйелі жұмыс атқарып жатыр және өз құрамасына жауапты», – дейді министр.
