Грозный: "Ертісті" апатқа ұшыратқан - басшылық"

356

Ол Павлодарда ұзақ жұмыс істемеді, бірақ өзі туралы көптеген жақсы естеліктер қалдырды. Украиналық жаттықтырушы Вячеслав Грозный «СПОРТИНФОРМҒА» берген сұхбатында «Ертісте» кімнің кінәсі бойынша жұмысын жалғастырмады, боксқа неге бармайды және футбол туралы кітапты кімге жіберуге дайын екенін айтты.
Біз қоңырау шалғанда Болгарияда демалыста жүр екен. Бұл елде ол бос уақытын өткізуді ұнатады. "Левскиде" жұмыс істеген кезден бастап  әдет болып кеткен. Енді оның бос уақыты көп. Сондықтан Вячеслав Викторович сұхбаттасуға оңай келісті.

- Вячеслав Викторович, сіз қазіргі "Ертістің" жағдайын қадағалап жүрсіз бе?

- Әрине. Мен тек «Ертісті» ғана емес, сонымен бірге бұрынғы клубым «Тоболды» да бақылап жүрмін. Қалай болғанда да, мен барша қазақстандық футболдың импульсін саусағымда ұстаймын. Неліктен? Маған сіздің ел, адамдар, футболшылар ұнайды. Мен не айта аламын? «Ертіс» үшін бұл өте өкінішті. Павлодарлық жанкүйерлер мұндай масқараға лайық емес еді. Тіпті екі жыл қатарынан.

- Сіздің ойыңызша, олар маусым соңында Премьер-Лигасыз қалады ма?

Мен сенімді емеспін. Олар ұшып кетпейді. Жергілікті жігіттер легионерлермен бірге жиналып, қалған матчтарды тиісті деңгейде өткізу үшін барлығын жасауы керек.Турнирлік таблицада  болып жатқан жағдай апат. Бірақ бәрі түзетіледі.

Димитар Димитров

- Есіңізде болса, 2017 жылы сіз Димитар Димитров кеткеннен кейін команданы қабылдадыңыз және Еуропа Лигасында ойнау міндетін орындадыңыз. Әкім (Бақауов)  сіздің жұмысыңызға өте риза болды деген қауесет тарады. Бірақ келісімшарт жаңартылған жоқ. Неліктен?

- Мен әңгімені трансфер терезесі жабылған уақытта келгенімнен бастағым келеді. Мен бұған әдейі назар аударамын. Неге? Себебі, қолда бар материалмен жұмыс істеуім керек болды. Жігіттер туралы жаман сөз айтқым келмейді, ол туралы ойламаңыз да. Бірақ менің талаптарымды, тұжырымдамамды түсіну және қабылдау үшін оларға көп уақыт қажет болды. Егер командада менімен бірге жұмыс жасайтынымды білетін бірнеше жігіт болса немесе менің футболға деген көзқарасыма сәйкес келетін адамдармен бірнеше позицияны күшейту мүмкіндігі болса, бәрі оңай болар еді. Соған қарамастан біз тапсырманы орындадық. Ертіс ойыншыларының мінездері мен рухтары мықты болды. Олар осы қасиеттерсіз ойнай алмас еді. Менің құрамымда сөзсіз жетекшілер - Давид Лория, Пірәлі |Әлиев және Карлос Фонсека болды. Олардың сәттіліктегі рөлі өте зор, оны бағалау мүмкін емес. Олардың айналасында басқалар жиналды. Көшбасшылар бізді алға шығарды, мінез бен табандылық танытты. Бәрі бірден басталмады, қиындықтар көп болды, мен көптеген теориялық зерттеулер жүргізуім керек болды. Уақыт өте келе барлығы ойдағыдай өтті. Біз көшбасшыларға қарсы керемет ойнадық - қонақта «Ордабасы» командасын жеңдік. Бұл жеңіс бізге деген сенімділікті күшейтті. Үйде «Қайратпен» тең түстік - 1: 1. Оның үстіне көп ұпай жинай алмадық. Содан кейін Астанада матч өтті, біз ойын бойы жетекшілік жасадық, бірақ содан кейін судья біздің қақпамызға түсініксіз пенальти белгіледі.

Осы маусымның қалай аяқталғаны сіздің де есіңізде шығар: «Ақтөбеге» қарсы матчта капитанымыздан және негізгі қақпашы Давидтен жарақатына байланысты айырылдық, ол шұғыл түрде Италияға операция жасатуға мәжбүр болды. Бұл жарақат мен барлық ойыншыларды ауыстыруды қолданған сәтте болды. Яғни, мен резервтік қақпашыны босата алмадым. Үш ойыншы да ауысып қойған болатын. Содан кейін маған қақпашылардың жаттықтырушысы Андрей Ненашев қорғаушы Руслан Есімовтің  бала кезінде қақпашы  болғанын әлі де қақпаға мықты тұратынын айтты. Сөйтіп қақпаға Есімов  тұрды. Бізді бірнеше рет құтқарды! Бірақ бізде бір ойыншы аз болды. «Ақтөбені » ол кезде Мұхановты жаттықтырдыү  оларға да ұпай ауадай қажет болды. Бірінші  голды қонақтар соқты. Біз жеңіліп жатырмыз - 0: 1. Соңғы минутта біз есепті теңестірдік! Азшылықта. Көрдіңіз бе, мен осының бәрін кешегідей есімде сақтаймын. Бәрі көз алдымда.

Соңғы турды есіңізде сақтаңыз: «Шахтермен» ойнаймыз, жеңіс үшін мұрыннан қан ақты, әйтпесе Еуропа Лигасын көрмейміз. Ал соңғы минутта Фонсека гол соқты! Осының бәрі менің есімде.  Команданың мінезі темір еді!

Фонсеканың сол голы

- Осы ойыннан кейін сіз шешіну бөлмесінде лезгинка биледіңіз. Бұл аяқасты шешім болды ма?

- Жоқ. Бұл уәде болатын. Мен әрқашан сөзімді ұстаймын. Жазда Давид Лория маған: «Викторич, егер сіз Еуропа лигасына кірсеңіз, сіз Грозныйдағыдай билейсіз бе?» - деді. Мен оған: «Дәл далада, стадионда бірге өнер көрсетеміз» деп жауап бердім. Бірақ мен айтқандай, Давид ол кезде операцияда болатын. Неге Давидпен билегім келді? Өйткені, ол грузин, лезгинканы қалай әдемі билеу керектігін біледі. Мен уәде еткендей, шешіну бөлмесінде биледім. Жігіттер оны видеоға түсірді, содан кейін ол желіге тарап кетті. Мен ештеңеге өкінбеймін, жаттықтырушыуәдесін  ұстауы керек деп ойлаймын.

- Әкім риза болды. Сізге келісімшартты жаңартуды ұсынды, ма?

Болат Жұмабекұлы Бақауов маусым аяқталғаннан кейін маған нәтижеге, менің жұмысыма риза екенін, әрі қарайғы ынтымақтастыққа қуанышты болатынын айтты. Мен сабырлы түрде үйге кеттім.

Жарнама жаттықтырушысы

- Ал сіз «Ертіс» жаңа бапкер іздейтінін қайдан білдіңіз?

- Әріптесіңізден. Ол маған қоңырау шалып, «Ертіс» жарнама арқылы жаттықтырушы іздеп жатқанын білетісіз бе деп сұрады. Мен ол әзілдеп жатыр деп ойладым. Бірақ содан кейін бұл әзіл емес екені белгілі болды.

- Ол кезде не болды?

- Бұл клубтың бұрынғы директоры Жанайдар Дүйсембаевтың интригалары болатын. Мұның бәрі оның жасаған ісі. Ол өз жаттықтырушысын әкелгісі келді, ол оны қалауы бойынша бұрап, жұмсай алады. Білесіз бе, мұның бәрі лас нәрсе мен агенттің ісі. Өкінішке орай, Қазақстанда футбол клубтарын басқару  дұрыс жолға қойылмаған. Бас бапкер нәтижеге, процеске, футболшылардың өсуіне жауап береді. Кеңселердің менеджерлері командаға қызмет көрсетумен айналысуы керек, оны қамтамасыз етуі керек. Бірде-бір футболшы бапкердің еркінсіз келіп, кетпеуі керек. Тек бас бапкердің рұқсатымен. Бүкіл әлем осылай жұмыс істейді. Жаттықтырушы тікелей жұмыс берушісіне, оған жалақы төлейтіндерге есеп беруі керек. Менің жағдайымда бұл әкім. Егер мен «Қайратта» жұмыс істесем, оның иесі Боранбаев болар еді. Футболды жақсы білетін қазақстандық клубтардың директорларына және Сізге «TheManager» кітабын оқуға кеңес беремін. Қажет болса оларды жібере аламын. Онда барлық процестер қалай болатындығы сипатталған.

Жанайдар Дүйсембаев

- Бірақ Дүйсембаев футболды түсінбейді ме?

- Боксшыға футболды қалай түсінуге болады? Қалай ойлайсыз, мен қазір боксқа барсам дұрыс болар ма?

 

- Жоқ әрине.

- Неге ештеңені түсінбейтіндер футбол клубтарын басқарады? Жанайдар Бегайдарұлы «Ертіске» дейін ешқашан бұл спортқа қатысы болмаған. Ал мені алып тастады, не болды? Бұл қалай болғанын есімізге түсірейік: ол агенттердің алдап-арбауының әсеріне бой алдырып, «Ертіске» испандық Жерар Нусты әкелді. Менің бұл балаға (Нусқа)  қарсы ештеңем жоқ. Мәселе Нуста емес. Бірақ Нус қанша уақыт жұмыс істеді?

- Бір жарым-екі ай.

- Бұл Нустың еңбегіне барлық жауап. Жігіттің көп жұмыс тәжірибесі болған жоқ. Ол талдаушы (аналитик) болды. Ал Дүйсембаев ақыры жұмыстан босатылды. Бірақ кеш болды, маусым қызу жүріп жатты, команда нәтиже бермеді, испандықтан кейін көмекші болған  Дмитрий Кузнецов та команданы  тарта алмады.Бұның ақыры қайда әкелді? Олар Димитар Димитровты қайтарды. Бірақ, былық-шылықтың көптігінен,  әуесқой менеджерлердің бүлдірген жұмыстарының кесірінен  Димитровқа өте қиын болды. Ол команданы жеңілістен құтқарды. «Ертіске» қатысты бұны жетістік деп айтуға болмайды. Әуесқойлардың арқасында маусым сәтсіз болды.

Тыңдаңыз, мен Мәскеудің «Спартакта», болгариялық "Левскиде", "Динамо" Тбилисиде жұмыс істедім, Украинаның "Днепр" сияқты командаларын жаттықтырдым, мен Украинаның ең үздік жаттықтырушысы деп танылдым, мен Украинаның құрметті жаттықтырушысымын. Менде үлкен тәжірибе бар. Мен барлық басшыларды көрдім. Бірақ «Ертістегі» сияқты жағдай менде ешқашан болған емес.

- Сіздіңше, Димитров биыл неге нәтиже көрсете алмады?

- Маған түсінік беру қиын, себебін білмеймін. Сондықтан менің өз тарапымнан мұны талқылау дұрыс болмас еді. Мен онымен Болгарияда кездесіп, сөйлесемін деп үміттенемін. Мен дәл қазір демалыстамын. Бірақ бір нәрсені нақты айта аламын: Димитров - білікті маман, егер ол оған ешкім кедергі жасамас, нәтиже беруді біледі. Оның клубтан қалай шығарылғанына қарап, оған жұмыс істетпеген деп айта аламын. Сонымен, командада, клубта бірлік болмады. Егер бұл болмаса, онда нәтиже де болмайды. Менің ойымша, басшылық өздерінің мүдделерін жаттықтырушы мен командадан жоғары қояды. Футболды жаңадан ойлап табу мүмкін емес. Барлық заңдар жазылған. Тек оларды ұстану керек.

«Олар мені алдады»

-Бақауов Сізді қалдырғысы келді деп айтып отырсыз. Бірақ, Дүйсембаев неліктен жаңа бапкер іздей бастады?

- Олар мені алдады деп ойлаймын, олар мені басқа клубпен келіскенмін деді.  Әкімге біреулер өтірік айтқан, мен бұған сенімдімін. Айтпақшы, мен Дүйсембаев клубты ресми емес түрде басқаратынын естідім. Ол командамен бірге сапарларға шығады, ойыншылармен келіссөздер жүргізеді.

- Айтпақшы, Тобылға көңіл аударайық. Ол жақтан да жұмбақ күйде кеттіңіз. Сіз жаттығу жиындарына келіп, жаңа келісімшартқа қол қоюы керек едіңіз, бірақ олай болмады.

- Олай айтатындарға сенбеңіз. Мен келдім, жиын өткіздім. Олар маған келісімшарт ұсынды. Бірақ мен оған менің көзқарасым бойынша шақырған ойыншыларға қол қойылғаннан кейін ғана қол қоятынымды айттым. Олар (жаңа ойыншылар) маған керек еді, мен олар үшін басымды иіп жауап бердім. Бірақ бұл орындалмады.

- Неге?

- Содан кейін клуб басшылығында жай ғана өзгеріс болды. Біз 2012 жылы Николай Панинмен бірге жұмыс жасадық, барлығы жақсы болды. Бірақ содан кейін әкім жаңа директор мен спорт директорын шақыруға шешім қабылдады. Бұл немен байланысты екенін білмеймін. Панин, менің оны қорғағанымды қалаған болса керек. Бірақ, Қазақстанда әкімнің шешімі талқыланбайды, ол мұны менен жақсы біледі.

Қостанайдағы кезең туралы жағымды естеліктер ғана қалды, бізде жақсы команда болды, біз керемет футбол ойнадық, бірақ маусымның соңында сот заңсыздығына тап болдық. Әсіресе, есіңізде болса, бұл «Таразбен» болған Қостанайдағы ойында көрінді. Олар бізді жанкүйерлеріміздің алдында ашық түрде "өлтірді". Жанкүйерлер ашуланғандықтан, тәртіп сақшылары судьялардың қауіпсіздігі үшін алаңнан ОМОН-мен кетуге мәжбүр болды. Турнирлік кестеде біз бұдан әлдеқайда жоғары болуымыз керек еді, бірақ төрешілер бізді бұл мүмкіндіктен айырды. Мұны бүкіл Қазақстан көрді.

Енді мен Нұрбол Жұмасқалиевтің жұмысын көріп, оның жеңістеріне қуанғаныма өте қуаныштымын. Білесіз бе, мен "Тобылмен" келіссөзге келгенде, ол әкім қабылдауында отырды. Ол мені көргенде: «Викторич, мен есіңіздемін бе?» деп сұрады. Мен оған: «Әрине, сіз Спартактағы біздің байқауымызда болдыңыз!» дедім.  Ол керемет футболшы болды. Енді керемет бапкер болады деп үміттенемін. Қалай болғанда да, мен оған шын жүректен осылай болғанын тілеймін.

- Ертіске оралайық. Сіздің ойыңызша, бұл тек менеджерлер мен жаттықтырушылардың ғана емес, футболшылардың да қателігі болуы мүмкін бе? Қазіргі нәтижелерге олар да кінәлі шығар?

- Ешкім олардан жауапкершілікті алып тастамайды, себебі, олар жақсы ойнауы керек еді. Бірақ мен сізге айтайын: «Ертіс» толықтай жауынгерлік құрамға ие. Алайда, көшбасшы жетіспейді. Фонсека бар, бірақ оған жалғыз  қиын. Ол алаңдағы көшбасшы. Бірақ шешіну бөлмесінде тілдік тосқауыл оған кедергі келтіреді. Клубты осындай күйге келтірген  лауазымды адамдар бұрын осындай нюанстар туралы ойлануы керек еді. Егер олар бапкердің жұмысына араласпаса, өздерін маман ретінде қалыптастыруға тырыспаса, команданың құрамына кіріспесе, тіпті оңай болар еді. Сонда көптеген қателіктерді болдырмауға болады. Мен бұрын футболды бұрмалайтын екі нәрсе - агенттер мен лотерея ойындары деп ойладым. Бірақ Қазақстанда үшінші фактор бар - футболдағы ештеңені түсінбейтін клубтардағы басшылар.

Аударған "Адырна" ұлттық порталы

Пікірлер