Алматыда киберполиция қызметі арнайы операция жүргізіп, қылмыстық құрал-жабдықтары бар кеңсе табылды, - деп хабарлайды "Адырна" ұлттық порталы Polisia.kz сайтына сілтеме жасап.
Нәтижесінде 30 жастағы Павлодардан келген азамат ұсталды. Оның жалға алған кеңсесінде 512 ұялы SIM-box, сондай-ақ 1620 сим-карта табылды.
«Бұл жабдықты интернет-алаяқтар әртүрлі интернет-сервистерді және мессенджерлерде пайдалану үшін қолданады, сонымен қатар, ол арқылы алаяқтар кейіннен басқа елде жүргенде қазақстандықтарға қоңырау шалатын аккаунттарды тіркейді», - деді Алматы қаласы Полиция департаментінің басшысы Мақсат Қанапяев.
Ұсталған азамат осы жабдықты орнату және қосу және мезгіл-мезгіл SIM карталарын ұяшықтарға ауыстырудан тұратын жұмысқа келіскенін айтты. ҚР Қылмыстық кодексінің 213-бабы бойынша (Ұялы байланыстың абоненттiк құрылғысының сәйкестендiру кодын, абоненттi сәйкестендiру құрылғысын құқыққа сыйымсыз өзгерту, сондай-ақ абоненттiк құрылғының сәйкестендiру кодын өзгертуге арналған бағдарламаларды жасау, пайдалану, тарату) бойынша қылмыстық іс қозғалғаны айтылды.
Қазақстан Республикасы Қылмыстық-процестік кодексінің 201-бабына сәйкес тергеу мүддесін көздейтін өзге де мәліметтер жарияланбайды.
