Өзбекстанда маусым айының қорытындысы бойынша газ өндіру көлемі 3,54 миллиард текше метрге дейін төмендеді. Бұл туралы 24 шілдеде елдің Статистика агенттігі айтты, деп хабарлайды «Адырна» тілшісі.
Бірінші жартыжылдықта Өзбекстанның ірі кәсіпорындары 22,36 млрд текше метр газ өндірді. Бұл өткен жылдың сәйкес кезеңімен салыстырғанда 1,2 млрд текше метрге (-5,1 %) аз.
Айта кетейік, бұған дейін Энергетика министрлігі соңғы төрт жылдағы газ өндірісінің рекордтық құлдырауына «Қандым» газ өңдеу зауытындағы жоспарлы жөндеу жұмыстары мен басқа да технологиялық мәселелер себеп болғанын мәлімдеген еді.
