Шахтинск қаласында көпқабатты үйдің балконынан әйел адам құлап қаза тапты, деп хабарлайды "Адырна" тілшісі ekaraganda.kz-ке сілтеп.
8 сәуірде Шахтинск қаласында үйдің сегізінші қабатының балконынан әйел құлап кеткен. Қарағанды облысының Төтенше жағдайлар департаментіне полиция қызметкерінен қоңырау таңғы сағат 9:08-де келіп түскен.
ТЖД хабарлауынша, өрт сөндірушілер тұрғын үйге арнайы техникамен баспалдақ орнатып жатқан. Алайда олар әйелді құтқарып үлгермеген. Белгілі болғандай, балконнан құлап кеткен әйел 44 жаста болған.
«8 сәуірде Шахтинск қаласында көпқабатты үйлердің бірінде 44 жастағы әйел жоғарғы қабатта орналасқан балконнан секіріп кеткен. Ол тоғызыншы қабаттан сегізінші қабаттың балконына қоршау үстіне көтеріліп, содан кейін сол жерден құлаған. Салдарынан өмірге сәйкес келмейтін дене жарақатын алып, қайтыс болды», - деп хабарлады ведомстводан.
Осы оқиғадан тараған видеода үйдің ауласында арнайы техниканың тұрғаны көрінеді. Оның мағайында бірнеше құтқарушының жайбарақат қимылдап жүргенін байқауға болады. Әзәрге оқиғаның жай-жапсары толық хабарланбады.
