Атырауда әйел адам өз балаларын сатқан, деп хабарлайды "Адырна" тілшісі.
Бұл туралы Облыстық соттың баспасөз қызметі хабарлады.
Атырау қаласының тұрғыны жаңа туған сәбилерін сатып жіберген. Сот материалдарына сәйкес, жауапқа тартылған әйел жүкті болған сәтінен-ақ материалдық жағдайын жақсарту үшін балаларын саудалаған.
Ол босанбай тұрып бір отбасымен келіскен. Баланы өмірге әкелгеннен соң нәрестені сатып жіберген.
Кейінгі жүктілігінде де әйел алаяқтық жолмен ақша табуға бел байлаған. Ол тіпті екі отбасыға жаңа нәрестені сатуға уәде беріп, ақша алып алған. Бірақ әйел ізін суытып үлгеріпті.
Ал жәбірленушілер 2,3 млн теңгеден айырылып қалған. Ал алаяқ ана басқа отбасымен келісім жасап, баласын беріп кеткен.
Сот үкімімен балаларын сатқан және алаяқтық жасаған ана 8 жылға бас бостандығынан айырылды. Ал жаңа туған нәрестелерді сатып алған отбасылар шартты түрде үш жылға сотталды.
