Home » Жаңалықтар » Семейде “Жаңа қазақ әліпбиін оқыту кабинеті” ашылды

Семейде “Жаңа қазақ әліпбиін оқыту кабинеті” ашылды

ҚР Президентінің жарлығымен бекітілген “Қазақ тілі әліпбиін кириллицадан латын графикасына көшіру туралы” және ҚР Премьер-Министрінің өкімімен “Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарын” жүзеге асыру мақсатында, Семей қаласының тілдерді оқыту орталығында “Жаңа қазақ әліпбиін оқыту кабинеті” ашылды.
-Орталықтың басты міндеті қаламыздағы ересек тұрғындары жаңа әліпиге үйрету – деді Семей қаласының тілдерді оқыту орталығынның басшысы Зәуреш Исабаева. -Жаңадан ашылған бұл кабинетте ұлттық әліпбиді оқыту, семинар тренингтер, оқу курстары, лингвист ғалымдардың онлайн сабақтары өтеді.
Ашылу салтанатына қатысқан қала әкімінің орынбасары Айдар Садырбаев, латын әліпбиіне көшу заман талабы екенін атап өтті.
-Латын әліпбиі арқылы әлемнің 70%-ы ақпарат алмасады. Өз басым латын әліпбиіне көшу жеңіл болады деп ойлаймын. Бұл өткенімізге қайта оралу, рухымыздың жаңғырғанының жарқын бейнесі,-деді қала әкімінің орынбасары.
Алғашқы оқыту курстарына 45 адам қатысады. Курс қатысушылары Семей қаласы әкімшілігінің қызметкерлері. Қала тұрғындары жаңа әліпбиді оқыту сабақтарына қыркүйек айының үшінші декадасынан бастап қатыса алады.

 

“Адырна” ұлттық порталы

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Асхат Аймағамбетов: Мектептерде ақылы олимпиадалар болмауы керек

  ҚазАқпарат – Білім және ғылым министрі Асхат Аймағамбетов мектептерде өтіп жататын ақылы олимпиадалардың өткізілуін ...