Назарбаев университетінде оқитын әрбір студентке 240 мың доллар (110 797 200 теңге — ред.) бөлінеді. Бұл туралы Қазақстан Жоғары оқу орындары қауымдастығының президенті Рахман Алшанов айтты, деп хабарлайды «Адырна» тілшісі.
«Назарбаев университетінде бір студентке 240 мың доллар бөлінеді, ал Гарвардта бар болғаны 40 мың доллар. Былай алып қарасақ, бізде алты есе жоғары болып отыр. Гарвардтан алты есе көп маман шығарып жатырмыз ба? Барлық ақша қайда кетеді? Тексеруші органдар осыны қадағалауы керек»,—деді ол.
Айтуынша, бір жатақхана салуға 2 млрд теңге кетеді.
«Назарбаев книверситетінің жылдық бюджетінің жартысын үнемдейтін болса, 100 жатақхана салуға болатын еді. Ал 100 жатақхана деген 5 мың студенттің панасы. Сонда кешегі хостелдегідей оқиға болмайтын еді»,—деп толықтырды Алшанов.
