Ұлттық қауіпсіздік комитеті лаңкестік ұйымдарды насихаттады деген күдікпен Батыс Қазақстан облысының тұрғынын ұстады, деп хабарлайды "Адырна" порталы комитеттің баспасөз қызметіне сілтеп.
«27 қыркүйекте ҰҚК прокуратурасы және полицияның бірлесуімен Батыс Қазақстан облысының тұрғыны ұсталды», - делінген хабарламада.
Ол әлеуметтік желілерде халықаралық террористік ұйымдардың үгіт-насихат материалдарын таратқан деген күдікке ілінді.
Ер адамның бұған дейін де лаңкестік әрекеті үшін сотталғаны көрсетілген. Оның үйінен діни әдебиеттер мен басқа да заттай айғақтар тәркіленді.
ҚР Қылмыстық кодексінің 256-бабының 2-бөлігі (Терроризмді насихаттау немесе терроризм актісін жасауға жария шақыру) бойынша сотқа дейінгі тергеу амалдары жүргізілуде.
