Ертең Астанада жеңіл атлетикадан халықаралық турнир өтеді

942
Adyrna.kz Telegram

23-қаңтарда Астана қ. «QAZAQSTAN» жеңіл атлетикалық спорт кешенінде тұңғыш рет Astana Meeting World indoor tour Silver халықаралық турнирі өтеді. Турнир аясында 22-қаңтар күні Астана қ., «QAZAQSTAN» спорт кешенінде БАҚ өкілдері үшін арнайы пресс-конференция жоспарланған. 

Конференцияда жарыстың ерекшеліктері туралы айтылып, БАҚ өкілдерінің сұрақтарына жауап беріледі. Спикерлер:

  1. Турнир директоры  – Асхат Сейсембек;
  2. 400метрге жүгіруден Қазақстан Чемпионы, рекордсмен – Михаил Литвин;
  3. Қысқа қашықтыққа жүгіруден Азия Чемпионы, ұлттық құрама спортшысы – Ольга Сафронова;
  4. Ұлттық құрама спортшысы, кедергілермен 400м жүгіруден  Қазақстан Чемпионы – Аделина Земс;
  5. Турнирге қатысушы жұлдыздардың бірі, Әлем Чемпионатының қысқа қашықтыққа жүгіруден бірнеше дүркін күміс жүлдегері – Майкл Роджерс;
  6. Кедергілермен жүгіруден Португалия Чемпионы – Жуа Витор Де Оливьера;
  7. Американдық спортшы – Шеннон Рэй. 

Биыл алғаш рет өткізілетін байрақты бәсекеде Қазақстан, АҚШ, Португалия, Бразилия, Хорватия, Словения, Кения, Эфиопия, Ұлыбритания, Куба, Венгрия, Барбадос, Өзбекстаннан 100-ге жуық спортшы бақ сынайды. 

Жарыс бағдарламасының әр түрінің жүлде қоры 4000 АҚШ долларын құрайды. Бағдарламаға жеңіл атлетикалық жарыстардың 10 түрі енгізілген. 

ЕРЛЕР: 

- 60м. жүгіру;

- кедергілермен 60м. жүгіру;

- 800м. жүгіру;

- 3000м. жүгіру;

- 400м. жүгіру.

ӘЙЕЛДЕР: 

- 60м. жүгіру;

- 400м. жүгіру;

- 1500м. жүгіру;

- ұзындыққа секіру;

- биіктікке секіру.

Бұл жарыс отандық жеңіл атлетиканың халықаралық деңгейдегі беделін және спортшылар арасындағы бәсекелестікті арттырады. Astana meeting еліміздің және Азия өңірінің жеңіл атлетикасындағы ең беделді жарыстардың біріне айналады.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket