Ресей тұрғындары тегін қарбыз үшін таласып, бірін-бірі таптады

3416

Ресейдегі Ижевск қаласының тұрғындары тегін таратылған қарбызға таласып, бірін-бірі таптады. "Түккөрмеген" тұрғындардың тоғышар әрекет жайлы "forpost-sz.ru" сайты жазды, деп хабарлайды "Адырна" ұлттық порталы. 

Қала паркінде өткен "Арбузник" іс-шарасында тегін таратылған қарбыздан қамтып қалуға жармасқан тұрғындардың ортаны азан-қазан қылған әрекетін көруге болады. Олар бірін-бірі төпеп, тегін қарбыз алу үшін таласқа түсіп жатыр. Тұрғындардың екпінінен қарбыздардың көп бөлігі жарылып, аяқтың астында қалған.

"Отбасыңмен тынығатын тамаша демалыс күні еді. Тезін қарбыз таратылады деп еді,  орталық азан-қазан болды. Достар, не көрінді сонша? Осылар базарда 150 рублден сатылады емес пе?" - деп жазды жазба авторы.

Тұрғындардың тобырлық әрекетіне қатысты парктің баспасөз қызметі түсініктеме берді.

"Тұрғындардың өз-өзін ұстауы мен жүріс-тұрысына біз жауап бермейміз. Біздің құзырымызда тек оларға мерекелік көңіл-күй сыйлау ғана бар. Әрбірінің тәлім-тәрбиесін бағып, жөнге салу мүмкін емес", - деді олар.

"Адырна" ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket