15 aqpanda AQSh prezıdenti Donald Tramp ákimshiliginiń ókilderi Reseı men Ýkraına kelissózshilerimen kezdesýge Saýd Arabııasyna attandy, dep habarlaıdy "Adyrna" ulttyq portaly.
Politico basylymynyń jazýynsha, Tramp ákimshiliginiń joǵary laýazymdy tulǵalary Saýd Arabııasyna Reseı men Ýkraına ókilderimen beıbit kelissózder júrgizý úshin barady. Alaıda ýkraınalyq sheneýnik bul kelissózder týraly habarlama Kıev úshin kútpegen jańalyq bolǵanyn jáne qazirgi ýaqytta ýkraınalyq delegaııany jiberý jospary joq ekenin málimdedi.
Politico derekterine sáıkes, AQSh atynan kelissózderge memlekettik hatshy Marko Rýbıo, ulttyq qaýipsizdik jónindegi kómekshi Maık Ýolt, Taıaý Shyǵys jónindegi arnaıy ókil Stıv Ýıtkoff qatysady.
Al Tramptyń Ýkraına jónindegi arnaıy ókili Kıt Kellog bul kelissózderge qatyspaıdy.
"Eýropalyq Odaqtyń iri memleketteriniń ókilderin shaqyrý josparda joq", – dep jazylǵan jarııalanymda.
