Қазақстан Республикасының Премьер-Министрі Әлихан Смайылов Алматыға жұмыс сапары кезінде WorldSkills Almaty-2022 өңірлік чемпионатының жеңімпаздарымен кездесті. Бұл туралы ол Facebook парақшасына жариялады, деп хабарлайды “Адырна” ұлттық порталы.
“Осындай талантты жастарға қарап, еліміздің болашағы зор әрі сенімді қолда екенін көруге болады.
Кеше Алматыға жұмыс сапары кезінде WorldSkills Almaty-2022 өңірлік чемпионатының жеңімпаздарымен кездестім.
WorldSkills – жұмысшы мамандықтардың беделін арттыру мен оларды дәріптеу мақсатында өткізілетін әлемдік чемпионат. Ол 80-нен астам елді қамтиды.
Бұл студенттер қазірдің өзінде қазақстандық ірі компаниялардан жұмысқа шақыру алған, ертеңіне сеніммен қарайды.
Жоғары стандарттарға сай кәсіби шеберлікке ие талантты студенттер өзінен кейінгі буынға жақсы үлгі көрсетіп, туған елінің дамуына үлес қосады деп сенемін”, - деп жазды.
“Адырна” ұлттық порталы
