Ресей тарапы шетелдік көшбасшыларды Мәскеудегі Жеңіс Күнін атап өтуге шақырған жоқ, өйткені биыл бұл күн мерейтойлық емес, деп хабарлады Ресей президентінің баспасөз хатшысы Дмитрий Песков, деп хабарлайды "Адырна" ұлттық порталы.
"Біз Жеңіс Күніне шетелдік көшбасшыларды шақырған жоқпыз. Бұл мерейтойлық күн емес", - деп түсіндірді Песков.
Оның айтуынша, Беларусь президенті Александр Лукашенко 9 мамырда келуді жоспарлап отырған жоқ. Песков сонымен қатар кейбір БАҚ-та жарияланған Палестина президенті Махмуд Аббастың жоспарланған сапары туралы ақпаратты жоққа шығарды. «Біз мұндай хабарламаларды жасаған жоқпыз. Бұл қате хабарлама», - деді Ресей президентінің баспасөз хатшысы.
"Адырна" ұлттық порталы
