САБИТ РЫСБАЕВ: Еңбек кодексіне сай бір адам аптасына 40 сағат қана жұмыс істеуі керек

2377
Adyrna.kz Telegram

Бізде еңбек кодексіне сай бір адам аптасына максимум 40 сағат қана жұмыс жасау керек. Айына артық сағат максимум 12 сағат, жылына 120 сағаттан аспау керек. Осыны біздің көп жұмысшылар білмейді. Бұны қадағалайтын орган қағаз жүзінде бар, іс жүзінде түк қатырмайды. Керек болса соны қадағалайтын органның өзі артық сағат жұмыс істеп, сол үшін еңбекақы алмайды.

Қазақтың осындайлығын шетелдік компаниялар да біліп алған. Ол жерде істейтін заңгерлер де өз қалталары толса болды. Қазақтың қамын ойламайды. Халықты да кінәлауға болмайды. Бұл нәрсені көп адам біле бермейді. Бұны біліп алған шетелдік компаниялар қазақтарға тиын айлық беріп, есек құсап жұмсайды. Меніңше осыларды бір ретке келтіру керек. Әкімшілікке қарайтын орган ары бері жұмыс жасау керек. Фирмаларға барсын, тексерсін. 21-інші ғасырда халықты есек қылып жұмсайтын ақылды шетелдік пен жергілікті жұмыс берушілер болса заңды түрде жазасын берсін. Отырыңыз да аптасына істейтін сағатыңызды санаңыз. Артық сағат істесеңіз құзыретті органга шағымданыңыз.

Пікірлер